TURNSTUND 2016-2017

Liabe Faustballmauna!                                    Einladung zum Turnjahr 2016/17!

 

ZWOA MONAT SAN MA WIEDA ÄLTA, I HOFF, VO EICH IS GAR NEAHMT FETTA

UND S´WEDA WAR EICH A NED Z´FEICHT, DES D´SCHWAMMERL AUS´M BODEN GSCHEICHT.

D´ERDÄPFELN SAN SCHO OGRENNT, WIAS I NU NIA VORHER HAB KENNT.

NIX IS A WORN MIT KAROTTN. DE,DE WORN SAN, KANNST VERSPOTTN.

DAFÜR HAM WIR GHABT VÜL SCHNECKN, DE SI NED AMAL AM TAG VASTECKN. 

SCHULD SAN WOHL DE FUASSBALLTRETER, DE GSPÜLT HAM WIA DE ÄRGSTN GFRETER,

FÜR DES, WIA SIE WARN HOCHGELOBT, HAM SIE UNS DAFÜR GANZ SCHEN GFOPPT.

DO DES IS JA VERGANGENHEIT, NACH DER EH NACHHER KAUM WER SCHREIT

UND DE PAAR JOAR, DE WIR NU HAM, DA STELLN AUF KOAN GROSSN BAM,

DRUM FREIN MA UNS, WAS NU GELINGT, BEVOR UNS S´ALTER NIEDERZWINGT.

 

WAS I HAB GHERT, WAS MANCHE GMACHT, DES DENEN GROSSES WISSEN BRACHT,

DES WAS I WOASS, DES SCHREIB I EICH, A WANNS FÜR MANCHE IS NED NEICH:

DA LUDWIG WAR IM HOHEN NORDEN,  ER BRAUCHT SEI RUAH, BRAUCHT KOANE HORDEN,

DE MIM WOHNWAGN ALLS AUFHALTN, WIA WANNS VAGESSEN, GANZ AUFS SCHALTN.

DA DIAKON ZÄHLT D´BÜBELN O, OB EH NU ALLE FÜR EAHM DO,

ALS GEGNGWICHT GEGN SALAFISTN, DE BEI UNS TRICKSN MIT VÜL LISTN.

DER ANDRE HELMUT IS NOMADE, ER FORSCHT, WIA GMACHT WIRD DIE POMADE,

DE D´SINTI,D´ROMA HAM IM HOAR, WANNS UNS HOAMSUACHN - JOAR FÜR JOAR.

DA GÜNTHER GSPÜRT DE BANDSCHEIBM  UND D´STEFFI DERFN EINREIBM

ERST WARS DA HAXN, HIATZT MACHT ER FAXN,

DA KANNST NUR HOFFN, DENN SUNST MACHT´S  BETROFFN,

WANN ER  NIMMA KIMMT, BEI UNS NIX MEHR  STIMMT.

DA ARNOLD DI PAULI ,DER SCHIASSTMIT PISTOLN, DE SPÜLT, WIA MA WISSEN BEIM FAUSTBALL KOA ROLLN,

DA ANDREAS HOFER SCHIASST LIABA MIM GWEHR, WANN DER UNS VERTEIDIGT, DA HAM MA KOA GSCHER.

ROLAND, DER JUNGE, DER GIBT DES KOMMANDO, DER HAT DIE ERFAHRUNG UND HAT SCHNELL AN PLAN DO.

DA ALTE ROLAND IS NED ZFRIEDN, DEM HAT DA DOKTA HÄNDT AUFGSCHNIEDN,

DO BESSA SAN SIE DO NED WORN, DRUM HAT ER SI A DES VOLL GSCHWORN:

„ ZUM DOKTA GEH I NIMMA MEHR, DAMIT BEGINNT JA ERST DES GSCHER!“

VO ALLE ANDERN WOASS I NIX, I HOFF, BEI DE IS GSUNDHEIT FIX

UND KOANA HAT VÜL FETT ZUAGLEGT, WEI DES IS NED SO SCHNELL WEGGFEGT.

DE ZWOA, DES VORIGS JOAR SCHO WOLLTEN, DE GHERN, WIAS I SIACH, A WENG GSCHOLTN!

VIELLEICHT HÜLFT GEGN DEN SCHWEINEHUND, WAS I EICH GIB NUR GANZ GERN KUND:

ES SAN GNUA DA, DES GEHT WIA EICH, DO DES IS EH SCHON LANG NIX NEICH,

ES FALLT AN LEICHTA, WANN VÜL KEMMAN, I MUASS BEIM NAMEN DA NEAHMT NENNAN.

MEI GULASCH LIEGT A NEAHMT IM MAGN, DRUM KINNTS EICH HIATZT A BISSL PLAGN.

OAMAL D´WOCHA WIRD HIATZT GSCHWITZT UND MIM  LEIBERL SCHWEISSNASS GFLITZT,

VIELLEICHT LERNT OANA NU DAZUA, DE HOFFNUNG LEBT, IS ZEIT JA GNUA.

LIEBE GRÜSSE  

MANFRED

 

BEGINN:MI., 14.9.2016, 20UHR 15 , TURNHALLE